Kwan Kwan's profile君君傻豬豬PhotosBlogListsMore  |  Tools Help |
|
July 03 十多年的朋友有晚我有個朋友生日
佢因為一啲小誤會
同個識左十幾年嘅老友嘈起上黎
我當時走左去勸交
我就話....
(其實我都飲大左,乜都唔知, 係人地講番比我知...^^")
...人生有幾多個十幾年嘅朋友丫(以現在歲數黎講)
好難得有個由細識到大
十幾年都仲有一齊玩嘅朋友
而且有成十幾年深厚嘅感情
呢d朋友已經無可能再識到
少一個就無一個架啦
其實呢d道理係琪琪教我嘅
我覺得好啱
人大左,出黎做嘢之後已經好難識到真朋友
唯有係細個時識嘅朋友嘅友誼先係最純
而且有最深厚嘅根基
可信賴, 可依靠, 會保護你, 不會害你 (壞人除外)
所以要好好珍惜依然在你身邊的老朋友
因為呢d咁好嘅朋友走左就揾唔番架啦
但係都有一單慘嘢
就係我竟然意外地識到有十年友情的男性朋友的現任女友
我當然係同個男交情深d啦
但係因為無乜嘢講
所以没有聯絡男的
但女的又喜歡問我近況
用來跟男的做話題
不高興的說話不想多講了
我只是諗我都係揀錯了聯絡對象
我是比較應該重視我的老朋友多d同應該聯絡他的
因為佢先係同我有十多年交情的一個
起碼我知道佢心裡面諗緊乜
我會覺得安全些 十幾年無見嘅朋友今日番工竟然遇到個成十多年無見嘅朋友
呢個就係倩倩啦
佢黎左我公司做facial
今日做左我個客
我一見到佢個名
都諗住係名有相同啫
點知睇埋個出生年份同住址
就估到8成啦
見埋個人......都唔使再講啦^^"
估唔到屯門認識嘅朋友竟然係沙田撞番
佢仲要唔係呢邊番工
而係因為沙田有男賓可同男朋友黎
先會係度出現
真係橋
June 30 攰死人咩>"<26/6(五)夜晚就同紫紫落左bar
原本諗住玩一陣
因為第二日番工係星期六
要番早一個鐘(12點)之餘仲要係無break無飯食無得休息
點之......最後都係忍唔住玩大左
仲玩到成五六點
不過今次番工無遲到...好勁
但係...早左兩個鐘頭番工
事關我九點幾醒左
以為自己遲到
即刻彈左起身沖涼仆番工
直到等車嘅時候先有機會冷靜落黎
發現原來未夠鐘番工
於事就番番屋企
但係已經瞓唔到啦
凍水涼都沖埋....仲唔醒晒咩>"<....嗚....
番到公司發晒呆又食唔落嘢
一個早餐腸仔飽都要分三次食
午餐就食左個迷你麵
即刻瘦左
做做下嘢真係有啲想休克
夜晚阿超生日又去左唱k
個人已經攰到就黎死
所以去到果陣都飲唔落d酒
諗住切埋蛋糕就走
點知佢地遲遲都唔切
最後都係玩大左
今次玩到4點幾
星期日又係無break
今次真係爭d遲到
番9點, 8點半先起身
不過我都估唔到
我竟然可以用10分鐘
刷埋牙沖埋涼換埋衫出到門口
最後當然係無遲到啦
真係奇蹟
不過呢日番工已經無咁辛苦啦
因為都飲少左
但係夜晚又有節目
Ice 生日去釣墨魚
好彩唔係飲酒啫
唔係就真係死比你睇啦
我係第一次釣架咋^^"
好好玩
收穫豐富又好味
不過最後食左隻原隻墨魚
原來未噴晒墨架
搞到成口墨
喉嚨澀左成晚
我以後都唔會食原隻架啦>"<
第二日番一點
終於可以瞓餐飽啦
.jpg) June 26 海星之旅24/6/09
去左大埔汀角
同左好多星星影相啊
不過就見唔到海馬弟弟呢>"<
好彩果日天氣都ok
天陰唔曬又無落雨
plan 左好耐先去到架 要等個潮退得夠低先有嘢睇
不過我地傻仔以為d蜆瞓晒係個灘度任摸
點知原來係要帶架餐去掘架
搞到得個睇字嚕
 June 22 等我結婚時和我的另一半再一齊找你吧異性朋友如果結左婚或者拍緊拖
係咪應該唔好聯絡呢?
因為呢個原因
我失去左一個好重要嘅人
一個曾經好錫我對我好好的哥哥
結婚了...就有如在我生命中消失了一樣
細個果陣都曾經叫過幾個o岩玩嘅人做阿哥
但係當無再一齊玩之後
呢啲短暫嘅阿哥就唔會再出現
唔會再去關心你嘅生活,你嘅一切
唯獨是你
你是我由小到大都承認的一個
無論我地幾耐無見
我都會記得你
每當新年,端午,休漁,你生日
我都會記得你
我都會選擇o係呢啲日子打電話比你
但係你結婚竟然無揾我
好唔開心
最初我好唔明白
有人說你自從結婚之後就變了
心中没有朋友了
唔通拍緊拖或者結左婚就唔可以有異性朋友?
但我已經大個女
我明白
等我結婚時和我的另一半再一齊找你吧 June 21 2009又過一年了今年目標依然係...事業
不過已經同"三心妝"脫離關係了
一間曾經令我充滿理想嘅公司
令我曾經不顧一切,全心全意投入,身兼百職,每天工作十幾小時
說穿了....就是曾經中毒太深......
轉行了....兜兜轉轉....又番番去做美容
第一理想...誤人子弟...由hea下hea下放棄了學業開始已經再無可能實現了
然後hea下hea下就走左去讀美容
讀完美容又機玄巧合學左治療
成為我嘅第二理想...令我重新有了希望...希望可以幫到好多人
好可惜...呢個夢想已經被兩年嘅委屈所毀滅
"番工好開心...好鐘意番工"呢句曾經有朋友聽到後以為我撞邪嘅說話已經唔會再o係我把口度講出
不過好開心我有兩位好朋友嘅支持
亦好開心我學識左現實
離開公司後真是眼界大開呢
突然成熟左n年啊
夷家嘅工作雖然唔會令我覺得番工好開心
但係我可以平衡到自己同身邊嘅人嘅需要
已經係最大嘅成功 February 10 新年大計新的一年
梗係要諗下今年Ｏ既新年大計啦
今年雖然犯太歲
但係都要努力做好我份工
今年Ｏ既目標係…事業
以事業為重
努力學好生命美療
搵多Ｄ＄比屋企人
雖然以前一路都有人照顧
而家好似乜都無咁
好彩我仲有一班好朋友（好彩有你地咋）
因為有佢地
我先會咁開心
學識照顧自己
而家仲識得煮飯仔添呀 新的一年農曆新年又到了
今年真係要寫下自己做左D乜先
如果唔係， 我呢個失憶人，
遲D又會唔記得左自己做左D乜架啦
年三十晚，
我同琪琪、皆皆、細佬一齊去左睇“長江七號”～好感動呀！！！
跟住就去左 ROUND 1 玩，
飲左唔多
不過……
就令到我新年第一日就同琪琪家人送大禮了
 初一晚就去左細佬屋企打牌
初二就同琪琪去左我鄉下放煙花
初三就去左東門行街街
December 06 成長的代價回想起以前嘅自己, 覺得自己好白痴, 做嘅嘢好傻,
但係當年無知嘅自己卻從來無感覺到寂寞, 愚蠢同唔開心,
相反, 仲得到好多人愛錫,
今日嘅自己, 係以前一直盼望要長大嘅自己,
真的長大了, 又如何?
識嘅嘢多O左, 諗嘢複雜O左, 負擔更大, 責任更重, 做人亦要更謹慎, 不能出錯,
唔可以再好似小朋友咁依賴別人,
這就是成長的代價
好可惜,
我嘅年齡長大了, 思想長大了,
但情緒, 行為同能力卻一點也沒有長大,
使我看見寂寞, 愚蠢同唔開心
|
|
|
